ЛАЦУ МАРВАР

Саки са сунадин чешне я марвар,
Шуьк|уь тандал ц|ийиз ахъа хьанавай.
На лугьун т|ебиат я магьир заргар,
Лап устадвилелди ик| к|валахнавай.

Пешер сад-садавай секин къакъудиз,
Алемдиз чинеба килигзавани?
Навар гагь зайиф жез, гагьни къекъифиз,
Къет|ъивал авачир каркач| руш яни ?

Пагь гьикьван иер я вун лацу марвар,
Пешер гъилер ят|а белки тандаллай?
Тадиз на чин к|евиз къекъвейла гарар,
Накъвар михьзавани мили ц|велелай?

Агъадай килигиз амукьнава зун,
Ви махпур юбкадал ашукь хьанва чун.
Им вуч аламат я, вуч иер къугъун-
Лап балеринадиз ухшар я кьван вун!

БЕЛАЯ РОЗА

Распустилась роза. В мир идет она,
Стебельком чаруя, прелестью знобя…
Как же ты прекрасна! Как же ты юна!
О, искусный мастер сотворил тебя!

Отчего так робко ты на нас глядишь,
Отодвинув листья? То бледнеешь вдруг,
То горишь румянцем… Может, ты грустишь
Девочкой несмелой средь больших подруг?

Манишь лепестками… Как белы они!
А листочки – руки… Может, ими ты
Смахиваешь слезы в ветреные дни,
На мгновенье пряча милые черты?

Вновь тобой любуюсь, взгляда не тая.
Как легка юбчонка! Как тонки листы!
И вот тут внезапно понимаю я:
Ты – совсем не роза… Балерина ты!

© Евгений Чеканов, 2021

МАРФАР

Т|арап|- т|арап| къавар гатаз,
Пагь, дат|ана къвазва марфар.
Акъваз тийиз ванер кутаз,
Вугузвач хьи, к|усни ахвар.

Теспачадик гала диде,
Т|или къвезвай ч|ере шткиз,
Кич|езват1а чик|из диге,
Гзаф тади физва рик|из…

Йиф акъатна, алукьна яр…
Гьик1 к1убан я къе аялар-
Акурлахъди и калушар,
Яргъал физва зи хиялар…

…Шумуд югъ я ава марфар,
Вичин ч|алал рахаз гафар.
Чилел тазва саки гьарфар,
Гатфарикай гузвай хабар…

ДОЖДИ

Кап-кап! – по крыше дождь стучит,
Не умолкая, день за днем.
Бьет по ушам, шумит, гремит
И не дает забыть о нем.

И мать тревожится, водя
Метлой своей по потолку:
Сочатся капельки дождя
И в сердце, и в мою строку.

А утром вновь для куражу
По луже дети побегут.
Я на галоши их гляжу –
И мысли вдаль меня несут…

Опять дожди идут в селе,
И точат лясы в полумгле,
И что-то пишут по земле
И о весне, и о тепле.

© Евгений Чеканов, 2021

ДИДЕДИ ЛАГЬАНА…

Рик|ин баядариз хьрак ква диде,
Акъализ к|валак|ар, к|ар кьуна гъиле.
Айран алтадзава фуарин винел,
Са капаш ц|акулри кутунава мел.

На лугьун абуру кьуьлзава элкъвез,
Гагь вилик, гагь кьулухъ йигин физ- хквез.
Белки им майдан я- к|ват| хьанава эл,
Вик1егьвал къалуриз тазва чпин гел?

Какахьиз сад-садахъ ц|елхемрин навар,
Нивди рахазват1а хьран ялавар?
Белкини зи элдик куз-хъухъвуз ава,
Ухшар тир кьисметрин агьузарзава…

Дидеди эверна зун вичин патав,
Вуч верц|и атирди кьунва чилни-цав!
Секиндиз ат|ана фуан пай гана,
Фирчин михьиз-михьиз ахпа лагьана:-

«Жуван зегьмет квачир са к|усни немир,
Пехилвал ийимир, гьарам к|ан жемир.
Гьазур хьухь бахтавар, ч1ана йикъариз-
Гардан к1ириз тахьуй алчах ксариз!»

МАМА ГОВОРИТ…

Хлеб готовит мама с песней на устах,
Скалкой деревянной тесто раскатав.
Вот сейчас айраном смажет всё – и тут
Помочи устроить пёрышки придут.

Над грядущим хлебом ловко полетят,
Словно в легком танце, – вверх, вперед, назад.
Это хлеб? Иль площадь, где гудит народ?
Каждый смел и ловок, каждый часа ждет.

С треском вьются искры, тая и маня…
С кем они толкуют, языки огня?
Может быть, жалеют бедный мой народ,
Что в веках полночных тоже часа ждет?

Слышу мамин голос, вижу ее взгляд.
О, какой витает всюду аромат!
Хлеб горячий мама мне вручит сейчас
И, фирчин* почистив, скажет без прикрас:

«Будь сыта на свете собственным куском,
На куски чужие не косись глазком.
Принимай без дрожи все земные дни,
Перед подлецами шею не клони!»

* Фирчин – круглая плоская дощечка, на которой раскатывается тесто.

© Евгений Чеканов, 2021

ЦАВА ДЕМ

Аку иервилер къе и цаварин,
На лугьун к1еле я эвел ч|аварин.
Куьк|уьрна гьар пата нур гудай шемер,
Кардик акатнава са камердинер.

Цаварин къатарихъ къалабулух ква,
Якъин кьуланфердиз ина дем ава .
К|убан я жегьил варз – демин кьилелди,
Мугьманар кьабулиз лап хушвилелди.

Ингье, варз килигиз милиз хъуьрезва,
Дак|ардал нурарин гурар вегьезва.
Саки, зазни аниз эвер гузава,
Гьа рекьер къалуриз эквер кузава.

Кьуна за к|анидан гъиликай к|евиз,
Акъатна гурарай лап цавун аршдиз.
Къеледа гьар са кар къайдадихъ гала,
Гьар са кас дикъетдив къуллугъдал ала.

Эверай нянин т|уьн фадлай гьазур я,
Атанвайбурун сан гила агъзур я.
Зурба манидарри тамамарзавай,
Авазрин ванери руьгь юзурзава.

…Аку иервилер зулун йиферин,
Гьич са гелни амач накьан циферин….
Вири бахтавар я, хуррам я, шад я,
Девлетлу, кесибди гьа ина сад я!

ЗАОБЛАЧНЫЙ БАЛ

Сегодня высок и красив небосклон,
Как замок старинный. С краев озарён
Свечами, зажженными верным слугой,
Он ждет приглашенных на бал дорогой.

Вот новый оттенок из бездны примчал…
На полночь назначен заоблачный бал,
И месяц, сверкая улыбкой своей,
Учтиво встречает высоких гостей.

Вдруг прямо в окно моих вечных ночей
Бросает он лесенку ярких лучей.
Подняться по ней призывает меня,
Всё той же улыбкой светя и маня.

Любимого за руку взяв, я бегу
По лесенке в небо… В высоком кругу
Всё чинно и стройно, и все на местах,
Как быть и должно на балах и в мечтах.

Нас ждет званый ужин. Высокая честь!
Наверно, гостей больше тысячи здесь.
И сотни маэстро в глубинах дворца
Прекрасную музыку льют нам в сердца.

…Взгляните на чудо осенних ночей.
Где тучи былые? Средь звездных свечей
Все веселы, все ожидают удач,
Все счастливы равно, бедняк и богач!

© Евгений Чеканов, 2021

КЬУЬД

Йифди к|валахнава саки кьиливди,
Сеняткар са касди устIарвиливди.
Живедин ц|верек|ар к|алубда кьунва,
Ажайиб гиширар дак|аррал тунва.

Кьуд патахъ чк|анва гевгьердин тIунутI,
Кьилин шегьердикай хьанва са булут.
Сусарин пак пекер алукIна тарар,
Саки юзаз ама, гуьзетиз ярар…

Кисна акъвазнава, алкIана зи мез,
Живедин пилтеяр ава заз хъуьрез.
Белки зун пара кIанз, зал ацукьзава ,
Зи рик|е, зи руьгьда рагъ алукьзава.

Хазара к|ев хьанва шегьерэгьлияр,
Ихьтин савкьатрикай авачиз паяр.
Физва кьватидаваз уьмуьр са тегьер,
Рик|е тваз хьанач хьи завай и шегьер.

Амма къе хиялра хуьруьн кьуьд ава,
Хуш я заз гъетерин хунчаяр цава.
Маргъалри сигъ кьунвай дуьзенар, винер,
Рап|рап|из суварин жив алай синер…

ЗИМА

Безвестный мастер, что искусен был,
Всю ночь работал, не жалея сил,
И утром подарил, идя ко сну,
Узор морозный каждому окну.

Рассыпав куль муки на каждый дом,
Стоит столица в облаке седом.
Деревья стынут под фатой невест,
Как будто собираясь под венец.

Застыла, онемев, и я сама…
И лишь снежинок юных кутерьма
Летит ко мне, легка и весела…
А вот и солнце! Здравствуй, луч тепла!

Но горожане спрятались в меха –
Не до красот. Уныла и суха
Их жизнь в шкатулках, полных барахла.
Нет, я влюбиться в город не смогла!

Мне чудится зима в родном краю,
Где я опять под звездами стою,
Где ширь равнин и гребни дальних гор
Приносят в душу счастье и простор…

© Евгений Чеканов, 2021

МУРАД КЬАТI ХЬАНА

Кьилелла лацу шал-сачахар цава,
Абур симер хьана рикIе гьатзава,
Къуьне зи квар ава, зи рекьер – яргъал,
Живедин жигъиррай физва булахдал.

Агатна явашдиз чIехи са маргъал,
К|аниди я кьван им – лацу балк|андал!
Хкажна са гъилив, зун вичин къвалал,
Амма квар амукьна мурк|адин юкьвал.

Кьенерар са гъиле, муькуь гъиле зун,
Кьведанни рикIера ава са юзун.
Маргъал атIуз-атIуз балк|ан чуквазва,
Гагь лекьрез элкъвена лув гуз кIанзава…

Руьгьди гьарайзава: кьенер кIевиз яхъ,
Чи вилик кьвал гала, амай рехъ фин ях!
Эхирни дагълариз вуна зун гъана…
Ахварай аватна –мурад кьатI хьана…

МЕЧТА ОБОРВАЛАСЬ

Платок мой бел – а нити бахромы,
Став струнами, мне сердце рвут из тьмы.
С кувшином на родник иду одна
Тропою узкой. Вся в снегу она.

Иду к сугробу – иль сугроб ко мне…
Нет, это мой любимый на коне!
Мне руку дав, сажает на седло.
Кувшин во льду. И всё белым-бело.

У милого узда в одной руке
И я – в другой… Мы едем налегке.
Стучат сердца. А конь летит вперед
И, став орлом, над кручей нас несет.

Держи узду, любимый! Там – обрыв!
Пойдем пешком, о небе позабыв!
Мы вновь в горах… Какая красота!
Я просыпаюсь… Где же ты, мечта?

© Евгений Чеканов, 2021

АШКЪ АГУДЗАВА

К|ук|ва къугъваз чими гарар,
Цуькведава шефтелдин тар.
Кьве билбилди ч|угвазва ц|ар,-
Жегьре цуьквер авудзава,
Гатфари ашкъ агудзава.

Салун пип|е свас хьиз акваз,
П|ини ала хилер юзаз.
Ч1ижер чпихъ «лишан кутаз» ,
Гьа цуькверал ацукьзава,
Гатфари ашкъ агудзава.

Чи тутун тар, къенфетдин тар,
Цаварин пай, женнетдин тар,
Пирпилдамай мармалатар…
Куьне сабур къакъудзава,
Гатфари ашкъ агудзава.

Ичер, чуьхвер, жумар, хватар…
Саки къванва бегьердин хар.
Лацу, яру, мили т|урар,
Чин чуьнуьхиз- регъуьз ава,
Гатфари ашкъ агудзава.

Гъвеч1и-ч1ехи – алт|ушна эл,
Гьамиша хьиз авунва мел.
Хуш авазар къвезва мецел
Рик1ера тваз мили гьава.
Гатфари ашкъ агудзава….

ВЕСНА ВОСПЛАМЕНЯЕТ

Ветерок вверху порхает,
Снизу персик расцветает.
Соловей дружка гоняет,
Наземь алый цвет ссыпает…
Ах, весна воспламеняет!

Как невеста, в дымке вешней
В уголке стоит черешня.
А пчела, в заботе грешной,
Всё нектар свой добывает…
Ах, весна воспламеняет!

А ветвей конфетных кущи,
Безусловно, райских гуще.
Мармелад дикорастущий
Всех терпения лишает…
Ах, весна воспламеняет!

Всё цветет: айва и слива,
Груша, яблоня… Стыдливо
Прячут лица, всем на диво,
Их бутоны. Сад вздыхает.
Ах, весна воспламеняет!

И народ уже сбежался,
Делать помочи собрался,
Вот уже напев раздался,
Что в сердцах восторг рождает…
Ах, весна воспламеняет!

© Евгений Чеканов, 2021

УХШАР Я ВУН

Вири халкьди дамахзавай,
Шагь дагъдилай авахьзавай,
Къекъвез вац|ук акахьзавай,
Гур чарчардиз ухшар я вун!

Гагь рагъул жез, гагьни дуру,
Гагь нав гудай, гагьни чуру.
Гагьни къарар жеда ч|уру,
Дили селциз ухшар я вун!

Кьвалар ат|уз алахънавай,
Кьер чук|уриз алахьзавай,
Гъулгъула тваз секин жезвай,
Кьулан вац|уз ухшар я вун!

Кьарай квахьна жував рахаз,
Гьар кар вуна рик|ик кутаз…
Лукьлукьариз къатиз ргаз,
Са вулкандиз ухшар я вун!

Ц|айлапанд хьиз гугрумариз,
Цавун аршдиз лап акъатиз,
Чаз мич|ера рехъ къалуриз,
Битав вацраз ухшар я вун!

Тамун юкьвал миргер алай,
Булах я вун гьикьван ац|ай…
Нурарикай на гузва пай,
Гьик| ракъиниз ухшар я вун!

ТЫ ПОХОЖ

Ты – словно бойкий водопад,
Что с гор сорвался час назад
И речкой стал. И наугад
Течешь… На речку ты похож!

То мутен, то прозрачен ты,
То вдруг суровые черты
Приобретаешь… С высоты
Несешься, на поток похож!

В обрывах щели роешь вмиг,
Стремишься к цели напрямик.
Но вот уже ты снова сник
И на Самур слегка похож.

Покой навеки разлюбя,
Всё пропуская чрез себя,
Кипишь, как лава, мир губя.
Ты на вулкан сейчас похож!

Вдруг вверх бежишь – и на скале,
Подобно молниям во мгле,
Путь освещаешь по земле…
Ты на луну теперь похож.

И вот уж, как родник лесной,
Приют оленей потайной,
Лучи бросаешь в мир земной,
На cолнце светлое похож.

© Евгений Чеканов, 2021

БАХТАВАР Я ЗУН

Вун дагъ я, зун чарчар, алахьиз синел,
Зи кьил ви хуралла, гъилерни гъиле,
Ч|арар гур ятар хьиз, авахьиз къуьнел,
Къакъатиз жезвач хьи, вил ала вилел.

Кьведаз са рик| ава, са ягъун ава,
Чи пак муьгьуьбатди ана мугнава!
Нук|ерин манийрал за кьуьлерзава,
Вуна зун къужахда гьик| элкъуьрзава.

Йиферин мичIера чун вацра хуьзва,
Ракъини чаз нурар захадиз гузва,
Саврух агатайла, санал шехьзава,
Накъвари къванерай т|век акъудзава.

Вун дагъ я, зун чарчар, алахьиз синел,
Зи кьил ви хуралла, гъилерни гъиле.
Вучиз гьатнаватIа и чанда юзун –
Заз гила чир хьана: бахтавар я зун!

СЧАСТЛИВА Я

Ты мой горный кряж, а я – водопад.
По тебе я льюсь сто веков подряд.
И ручей волос, и текучий взгляд
Лишь тебе нужны, лишь тебя хотят.

На двоих одно сердце стучит в висках.
Тут гнездо любви, что живет в веках.
Только тут я танцую под песни птах,
Только тут замираю в твоих руках.

Только тут луна нам пронзает мглу
И возносит солнце хвалу теплу.
Тут зимой мы плачем в своем углу
И слезами точим свою скалу.

Ты мой горный кряж, а я – водопад,
По тебе я льюсь сто веков подряд.
О, не зря трепещет душа моя:
Что такое счастье, узнала я!

© Евгений Чеканов, 2021

ВУЧДА

Ягъамир заз чуьнгуьр, эцигна хурал,
Адан сим атIайтIа, лагь, вучда вуна?
Эвермир суварин ценевай чIурал,
Маргъалра гьатайтIа, лагь, вучда вуна?

Билбил хьиз рахада экуьн кьилелай…
Зи руьгьдиз им адет хьайит|а вучда?
Вуна гъам акъудна рик|ин къеневай…
Бес ахпа гьижранди кайитIа вучда?

Кьамир зун къужахда вуна ик1 милиз,
Лагь, вуна къефесда туртIа вучда за?
Гафарив туьмермир, хуш цIарар кхьиз,
Рагъ цава цифери кьурт|а вучда за?

Манияр теснифмир на заз, кIаниди,
Авазри ахвариз тухвайтIа вучда?
К|ан жемир зун икьван, ша ваз, к|аниди,
Са юкъуз дердери чухвайтIа вучда?

ЧТО, ЕСЛИ…

Кладешь чунгур на грудь, поёшь мне песни.
А если вдруг струна твоя порвется?
В лугах светло, в горах еще чудесней,
Но вдруг сугроб глубокий попадется?

С утра звенишь, как соловей беспечный.
А если я привыкну к песне этой?
Ты спас мне душу от печали вечной,
Но как разлуку стерпим мы, поведай!

К своей груди меня ты прижимаешь.
А если там навеки поселюсь я?
Строкою нежной ты меня ласкаешь.
А если тучи бросят тень на чувства?

Не пой мне песен, милый, – мы не смеем
Забыться в сне, что вечным раем станет…
Так сильно не люби. Как уцелеем,
Когда беда с такой же силой грянет?

© Евгений Чеканов, 2021

ЭБЕДИ АХВАР

К|аниди рекьева заз савкьатар гваз,
Михьи к1анивилин лацу шивреллаз.
Зун вилик зверзава, алукьнавач яр,
Саки акатнава къе закни лувар.

Муьгъ ама арада гъизвай умудар
Гьиссерин багъариз ягъазва т|валар,-
Гагь агудзава и перишан рик|ер,
Гагьни къакъудзава галк1анвай руьгьер.

Вац| физва к1аникай кук|вариз къванер,
Гьайбатдив акъудиз жуьреба ванер.
Гатазва зарбинив суварин ценер.
Кьере таз ажайиб, чинебан гелер.

Гьатна садлагьана япара са ван,
Чилни- цав легьзеда какахьна яман!
Чк|ана зурба муьгъ, и вац|ун патар,
Чк1ана чи алем- чи авсиятар…

Вац|ухъ галаз шехьиз ацукьнава зун,
Секиндиз баядриз амукьнава зун:-
– Вун вац|ун а пата, зунни и пата,
К|аниди, яраб вун, заз ахквадат|а?

Рагъ циферин кьулухъ чуьнуьх хьанва шез,
Танда т1ал гьатнава жак1умар эгъвез.
Кьунва хажалатди ац1ай варз, гъетер,
На лугьун туьхвенва нур галай эквер.

Атана яргъарай чаравилин гар,
Зи бишме тухвана- ярдин ядигар.
Тадиз кьаз к|ан хьана – аватна зун циз,
Агакьна к|аниди мад зи куьмекдиз.

Йигин я бул ятар, жедат1а чара…
Кумата т|акьатар, къваздай цин хура…
Ксанва, кьисметдин къужахдава зун,
Амач гила чанда дердерин юзун.

….Вегьизва чи винел бишмедин патар,
Гару чун паталди лугьуз манияр:
Куьн гьич садавайни къакъудиз жедач,
Эбеди ахвар я… авудиз жедач…

ВЕЧНЫЙ СОН

Милый мне подарки издали везет,
Белый конь мечтаний потихоньку ржет.
Я бегу навстречу сквозь туман родной,
Ощущая крылья за своей спиной.

Только мост меж нами, я к нему стремлюсь,
Мост, который вяжет ленты нежных чувств,
Сводит воедино грустные сердца
И разводит снова волею Творца.

А под ним клокочет горная река –
Та, что тащит камни вниз издалека,
Та, что бьет подножья саблями воды
Оставляя в русле тайные следы.

Звон ворвался в уши, горести суля!
Дыбом встав, трясутся небо и земля!
Крепкий мост разрушен, мир несется вспять,
Нам с тобой друг друга больше не обнять.

У реки оставшись, плачу вместе с ней,
Напеваю песню, сидя средь камней:
– Ты на той сторонке, а я на другой,
Свидимся ли снова, ненаглядный мой?

Солнышко за тучу скрыться норовит,
Всё во мне рыдает, рвется и болит.
И скорбят со мною звезды и луна,
Чаша небосвода тягостно темна.

Шалый ветер хочет мой платок сорвать.
Милого подарок я спешу поймать.
Падаю я в воду в этом странном сне,
И спешит мой милый вновь на помощь мне.

А река клокочет… Сможем ли спастись?
Где отыщем силы, чтоб подняться ввысь?
У судьбы в объятьях засыпаю я,
На века расставшись с дрожью бытия.

Тихо прилетает сорванный платок
И поет нам песню тихий ветерок:
– Вас никто не сможет больше разлучить
И никто не сможет снова разбудить…

© Евгений Чеканов, 2021

ЧАРА АМАЙ ТУШ

Рик1, вучиз шехьзава, лагь, вун аял хьиз,
Дум- думиз хур гатаз, ванер акъудиз.
Дингиниз элкъвена ягъаз, кук|вариз,
Ч|ахардин чкадал иви авудиз?

Рик| къалабулухдив завди рахазва:
Ваз хабар авани за вуч чIугзава,
Гьиссери цуькверив цлар хразва,
Геж хьайи ашкъиди ана мугзава….

Вучиз вуна жигер, зун тармарзава?
Жак|умра сузаяр тваз кIар-кIарзава.
Нефес къачуз жезвач-йиф-югъ тIарзава,
Секин хьухь, вуна зун лап бизарзава.

Жигерди деринрай ялар къачуна,
Са агь аладарна заз жаваб гана:
К|анивал гьатнава зи кьве чук|уна….
Гатфарин шагьвардихъ галаз атана.

Лагь, вучиз куьн руг- руг жезва к|арабар?
Дердери зи тандиз акъудна къабар,
Бес пара тушни заз ихьтин азабар,
Гьич тахьай себеб лагь- квекай са хабар…

К|арабри лагьана:- чал тахсир алач,
Гьижрандин дуван я-чахъ гьал кумай туш!
Са лукьмандивайни мелгьямиз жедач,
К|арабда гьатайдаз чара амай туш…

БЕЗ ВЫХОДА

Отчего ты, сердце, горько плачешь,
В грудь стучишь и непрестанно скачешь,
Крупорушкой грубой рвешь мне душу?
Хочешь, чтобы кровь пошла наружу?

Сердце говорит: – А ты не знаешь?
Ты ж меня в страданье погружаешь,
Стенки мои мажешь кровью алой,
Мучаешь любовью запоздалой.

Легкие, вы мне дыханье рвете,
Воздуха глотнуть мне не даете!
Грудь мою не режьте, не пытайте!
Дайте мне вздохнуть, покоя дайте!

Легкие с натугою вздыхают.
– В том вина не наша, – отвечают, –
В нас любовь весною поселилась,
В каждой половинке угнездилась.

Кости мои, что же вы болите?
Иль со мною вместе вы скорбите?
Скоро ль я страдания отрину?
Что за боль? Скажите мне причину!

Кости говорят: – Нас не вини ты,
Сами мы разлуками разбиты.
Как ее лечить, никто не знает, –
Ту болезнь, что в кости проникает…

© Евгений Чеканов, 2021

МИЧ1НА АДА ВИЛЕР

Элкъвезва чепелукь иер наварин,
Гарава –кьуьлзава вине цаварин.

Гагь мугьман жезва ам мили цуьквериз,
Тёмен гуз бубудиз, ч|утраз туьмериз.

Саки къвекъвез ава вичин таюнихъ,
И куьруь уьмуьрда руьгьдин паюнихъ.

Йикъар къвез алатиз физва хиял хьиз,
Гадни акъатзава кьарай авачиз.

Юзазва чепелукь зул атунивай,
Гарари, къаяри къен ат1унивай.

Сефил жез ава ам суза алахьиз,
Рик|яй физ дердерин селлер авахьиз…

…Ингье, секин легьзе… тамарин ценел,-
Мич|на ада вилер кьисметдин къуьнел…

ЗАКРЫЛА ГЛАЗА

Красотка-бабочка в обители медвяной
Кружится весело над солнечной поляной.

Цветы проведать прилетев, тихонько сядет,
То мак целует, то крылом ромашку гладит,

Как будто ищет себе пару в мире бренном,
Родную душу в бытии благословенном.

Но дни проходят, словно думы и стремленья,
Земное лето не приносит утешенья,

Знобят ветра, всё ближе осень подступает,
Красотку-бабочку всё чаще в дрожь бросает.

Как загрустит, как зарыдает ее сердце,
Когда поймет, что от зимы не отвертеться!

Но вот сейчас она в лесу, где я бродила,
Сев на плечо своей судьбы, глаза закрыла…

© Евгений Чеканов, 2021

АМАЙ МАД ГАФАР…

Галамай и йифиз дак|аррик сварар,
Югъ жердал рахана захъ галаз гарар.
Жуьреба ванериз гузвай кич|ерар,
Гагьни руьгьдиз милиз ийизвай кинар.

Ац|ай варз килигиз михьи цаварай,
Гъетерал дидед хьиз кап алтадзавай.
Накьанан циферни гъил-гъиле авай,
Цаварин мич|ера чуьнуьх хьанавай.

Гар туш ванзавайди, гагь заз ак| жезвай,
Луж я жанавуррин къув ягъизавай.
Чук|урна алемдиз са гьарай- вургьай,
Саки тади галаз хизан кват|завай.

Гагьни ягъиз авай заз к|евиз уьфтер,
Къугъуриз байихар чпиз хас тегьер.
На лугьун абур я чуьнгуьрдин симер,
Хъуткьуниз, акъажиз ийизвай женгер.

Кфилдин ванериз гагь ухшар жезвай,
Сефилар дердерив гьа ик1 шерзавай.
Кьисмет тахьай ярдиз агьузарзавай,
Гьижранди хирерал кьел алахзавай.

Экуьндал ванери алем юзурна,
Зи руьгьдин къатариз гъуьлягъ ракъурна.
Эхир йиф акъатна, алукьна ярар,
Амма а гарариз мад амай гафар…

ЕЩЕ ОСТАЛИСЬ СЛОВА…

Сквозь щели в окошках ночные ветра
Вчера говорили со мной до утра.
И речь их была то грозна, то хмура,
То вдруг непривычно мила и добра.

Луна, охранявшая звездный покой,
Ласкала его материнской рукой.
Вчерашние тучи, что плыли с тоской,
Укрылись за темной небесной рекой.

Я слушала молча… То ветер свистит,
Иль стая волков завывает навзрыд?
Не клан ли семейный, что веком разбит,
Сбирается вместе под вопли обид?

Иль кто-то, укрывшийся в дебрях ночных,
Незримо играет на нервах моих?
Не чувствуя боли волокон живых,
Как струны чонгура, мне дергает их.

Иль это свирель, что извечной мольбой
В мир слёз наши души ведет за собой
И вечно горюет над горькой судьбой,
И сыплет нам соль на саднящую боль?

Всю ночь кто-то выл и вблизи, и вдали,
И полчища змей в мою душу ползли.
Безмолвна душа. А быть может, мертва.
И лишь у ветров остаются слова…

© Евгений Чеканов, 2021

ВУН АВАЙ ШЕГЬЕРДА

Дуьшуьшдай ава зун къе ви шегьерда,
Кьурана амукьна мад са тегьерда…

Дак|ванва и цавар, ч|улав я михьиз,
Белки гьазур ят1а захъ галаз шехьиз?

Каспидин винелай чк|изва гьарай,
Сефил са чайкадин ат|анвай кьарай.

Яраб зи руьгь ятIа гъамар агатна
Чайкадиз элкъвенвай тандай акъатна?

Эгьей, гарухъ галаз атай зулун пеш,
Хилекай къакъатна хьанвани пелеш?

Белки вун зи рик| я, хурукай катай,
И рангар ат|анвай капуз аватай?

Иер я ви шегьер, шегьре я рекьер,
Къецик зул ят|ани, кьеж кумай векьер…

Инсан пара ава, амма вун авач-
Гьич тахьай яргъарай са гьайни гузвач…

Хъфизва, зун са вил кьулухъди ягъаз,
Чан туна ви патав, кьурай са тан гваз.

Шехьзава секиндиз аял ч|авуз хьиз,
Накъвар блушкадин хилекай михьиз…

В ГОРОДЕ ТВОЕМ

Занесло судьбою снова в город твой –
И больное сердце сжалось не впервой.

Небеса раздулись, в них черным-черно…
Может, нам заплакать вместе суждено?

Вот еще и чайка, потеряв покой,
Оглушает Каспий смертною тоской…

Или то не чайка, а душа моя
Голосит над морем, горе не тая?

Ах, не лист ли это, сорванный с ветвей,
Загрустил о доле сумрачной своей?

Или это сердце, выпав из груди,
В бледные ладони шепчет: «Подожди…»?

Как красив твой город! Осень не видна,
Широки дороги и трава сочна,

И народу много… Лишь тебя здесь нет.
Далеко ты нынче и не шлешь привет.

Как же мне уехать, коль душа с тобой?
Тянет оглянуться этот город твой!

Всхлипываю тихо, вновь девчонкой став,
Долго вытираю слезы о рукав.

© Евгений Чеканов, 2021

ГЬИССЕРИН АВХАР

                        Жегьилзамаз дуьнядилай фейи стха Фазилан экуь руьгьдиз

Теспачадик ква чи кьуьзуь диде,
Къайдадик кухтазва чк|извай диге…
Тутун тарцин к|аник гъил ченедик кваз,
Амрагь ацукьнава дидедив рахаз:
Азият ч|угвамир, чан диде, вуна,
Мехъерин къайгъуяр за акунава!
Ацукьна зурак1 тир парудин винел,
Хиялрик ква Фазил- са ч|агъан мет|ел.
Зун акун кумазни авалзава ик|:
Мад вун агакьнани виридлай вилик?
Чан духтур, белки ваз чизва идан дерт,
Вучиз чи бубадин ч|агъан ят1а перт?
Жервал я мукьвара Шамилан мехъер,
Сак1ани дуьз къвезвач ч|агъандин мецер…
Гьазурвал аквазвай хцин мехъериз,
Сефилдиз гана за жаваб стхадиз:
Белки и ч|агъанда бубад руьгь ава,
Часпарар к|еви яз, ам азабдава…
Мукьвабур са пата, мехъер са пата,
Багърийрин мурадар вац|у кьат|нава…
Дуьзарна к|убандиз уьткем тир къуьнер,
Стхади лагьана: ая на кьуьлер,
Виридан паталай хкажа гъилер,
Тахьурай садрани галат ви к|вачер…

…Кьуьлериз-кьуьлериз ат|ана ахвар,
Гьиссери экуьнлай ийизва авхар…

МУКИ ПАМЯТИ

                      Светлой памяти брата Фазиля, ушедшего молодым

Вновь мать суетится… С великим трудом
Приводит в порядок дряхлеющий дом.
А брат мой, Амрах, под тутовник присел
И ей говорит: «Снова скопище дел?
Зачем ты волнуешься, мама, опять?
Всё к свадьбе готово! О чем горевать?»
Фазиль на фундаменте свежем сидит,
Гармонь на колене, о чем-то грустит.
Увидев меня, восклицает: «Эгей,
Опять норовишь прибежать поскорей?
Ну, доктор, скажи, отчего это так –
С гармонью отца я не справлюсь никак,
Печальны басы… А ведь свадьба грядет,
Ее мой Шамиль с нетерпением ждет!»
И брату, что сына желает женить,
Я грустно киваю: «Фазиль, может быть,
Отцовской печалью гармошка полна
И плачет о новых границах она.
Ведь свадьба у нас, а родня за рекой,
И как совладать нам с преградой такой?»
А брат мой смеется – плечист, ясноглаз,
И так говорит: «Ты станцуй там за нас,
За нас к небесам свои руки воздень,
Пусть ноги твои не устанут весь день!»

…И, в танце кружась, просыпаюсь я вдруг,
С утра погруженная в скопище мук…

© Евгений Чеканов, 2021

АНА СУР ХЬУРАЙ ЗИ

Начагь я, и тIалдиз авач са дарман,
Зи дердер дерин я, азабар яман,
Минет хьуй къалура, рикI алай дере,
Им кIани мурад я, авай зи рикIе.

Твах вуна зун хуьруьз, дагъдин къужахдиз,
Мулдин цуьквер авай къацу яйлахдиз.
Килигин рекьериз, на тур гелериз,
Вуна тарифзавай сувун ценериз.

КIаниди, акъуда кьуна гъилерал,
Вуна зун цавариз – тамир чилерал!
Гагь кард хьиз элкъвен зун дагъларин кукIвал,
Гагьни чун ацукьин цуькверин юкьвал.

Руьгь лугьуз ава заз, хиялар къекъвез:-
Кьисмет хьана кIандай вун дагъдин лекьрез…
Я зун види хьанач, вакайни заз яр,
Ана сур хьурай зи, це заз ихтияр…

ПУСТЬ ХОТЬ МОЯ МОГИЛА БУДЕТ ТАМ

Больна давно я, и лекарства нет
От боли той, что мучит много лет.
Лишь об одном прошу я: покажи
Ущелье то, где мир твоей души.

Вези меня в село, в объятья гор,
В зеленый мир фиалок, в тот простор,
Где ты оставил юные следы…
Там радостны мы станем и горды.

Неси меня подальше от земли,
В простор небесный! Там, от всех вдали,
Орлом с орлицей будем мы витать
И средь цветов роскошных отдыхать.

Душа мне шепчет: ты должна была
Судьбою стать для горного орла.
Так не случилось. Но вези к цветам –
Пусть хоть моя могила будет там…

© Евгений Чеканов, 2021

ДИДЕДИЗ

Кьуд патай гъамари азаб гайила,
Диде, вун к|анда хьи заз ц|у кайила.
Дердера гьатайла ви т|вар кьаз ава,
Тек вавай заз диде куьмек к|анзава.

Гьахьдай зун жедайт|а, ви чими гине,
Эцигдай кьил рик|ел, гъилерни гъилел.
Шехьдай зун гьарайна, вил аваз виле,
Чан диде, даях хьухь, вуна куьмек це.

Мад къадир хьана жув, диде хьайила,
Гъавурда акьуна, ахвар хайила.
Зи начагь балади йифди ц|урдайла,
Кьезил я заз вавди рик| ац|урдайла.

Хциз свас гъидайла, виридан кьилик,
Хийирда-шийирда хьанач вун вилик.
Руш гъуьлуьз гудайла сал тир чилни цав,
Уьмуьрдин легьзейра вун к1андай патав.

Ингье, зун суралла, вахъ галаз рахаз,
А ваз пара к|ани цуьквер гъилеваз
Чан диде, азизди, дарих я зун гьик|,
Винел накьвар акваз акъатзава рик|…

МАМЕ

Когда гнетут печали, обступая,
О мама, как нужна ты мне!.. Тогда я
Опять твержу твое родное имя,
Опять делюсь печалями своими.

На твой подол залезла бы, как в детстве.
И, голову склонив тебе на сердце,
Расплакалась бы, глядя тебе в очи:
– Ах, мама, помоги несчастной доче!

Когда сама я тоже мамой стала,
Когда свой сон однажды потеряла,
Родного чада слушая стенанья, –
Я вспомнила тебя, твои страданья.

Когда женила сына, лишь одной
Терзалась мыслью: нет тебя со мной.
Дочь замуж выдавая, в сладкий час
Всё думала: пришла бы ты сейчас…

Теперь стою, на холмик твой гляжу,
Любимые цветы твои держу
В своих руках… Ах, мама, пожалей!
Мне сердце не сдержать в груди своей!

© Евгений Чеканов, 2021

БУЬРКЬУЬ ЯЗ АМУКЬДАЙ

Я Аллагь, рак|арар вучиз агална?
Сад на ахъайнат|а, вадни акъална.
Сварарай авахьай умудар кьена,
Мич|ера, дап|арра зи уьмуьр фена .

Аял йисарилай гъиз тежедай таб
Накъвари кхьена кьисметдин ктаб,
Гъамар, хажалатар за вири эхна,
Уьмуьрдин зулуз зун, кьатIана шехьна…

Дуьня фани я кьван- крар хьана таб,
К|вачериз нуьк|рен хьиз ягъана зи т|аб.
Пашман я гила зун вилив акунал,
Буьркьуь яз амукьдай, чир жедачир т|ал!

СЛЕПОЙ ОСТАВШИСЬ

Зачем, Всевышний, двери закрывать?
Одни откроешь – закрываешь пять…
Надежды сохнут, и всё гуще мгла,
В тисках которой жизнь моя прошла.

С младенчества ни разу не солгав,
Судьбы роман слезами написав,
Я всё стерпела… Но в осенний час
Вдруг разрыдалась, всё поняв про нас.

В обмане мир вершит дела свои,
И все мы здесь – как в путах воробьи.
Навек прозрев, грустит душа моя:
Слепой оставшись, не страдала б я!

© Евгений Чеканов, 2021

РЕКЬЕР

Дак|ардин вилик къе суалрик ква зун,
Хиялрин ц|иргъини ийизва жузун:
Лагь чаз рагъулдакай вучиз я рекьер,
Навар яргъирушан бес хьанач мегер?

Гьикьванни ухшар я рекьер гъамариз,
Устарди куьчнава белки гамариз.
Арушиз карушдал руьгьдавай т|алар,
Янарин чкадал –дердин кват1алар?

Ахъа туш галачиз ярарни – къацар,
Ханумар, туракьар, хъиперни лацар.
Белки куьтягь хьанвай куьпчидин рангар,
Акурла шадардай жуьреба навар?

Са сефил ч|угвардин кар ят|а ибур,
Рекьер ик| дердерив кетен хьиз ч|угур.
Кьилиз акъат тийиз азабдик галай,
Я элкъуьриз тежез чара ат|анвай…

Дак|ардин вилик къе суалрик ква зун,
Хиялрин ц|иргъини ийизва жузун:
Лагь чаз рагъулдакай вучиз я рекьер,
Навар яргъирушахъ ават1а эгер?

ДОРОГИ

Пред окном сегодня вся в вопросах я,
Мыслями объята голова моя:
Отчего дороги – серые всегда?
Пожалела красок радуга-дуга?

Как они печальны, серые пути…
Может быть, ткачиха ткёт их взаперти,
Положив в основу боль души своей
И уток свивая нитками скорбей?

Как темны дороги без цветов земных –
Голубых, багряных, желтых, золотых,
Розовых, зеленых, белых… Может быть,
Позабыл красильщик красок закупить?

Иль художник грустный, не таящий слёз,
Все свои печали положил на холст?
Завершить не может, мается давно:
Не подходит к рамам это полотно…

Пред окном сегодня вся в вопросах я,
Мыслями объята голова моя:
Отчего дороги – серые всегда?
Пожалела красок радуга-дуга?

© Евгений Чеканов, 2021

АЗАДВАЛ АВАЧИЗ

Иер киц|, лагь, вучиз кьил ви къуьнелла,
И дуьнядин дердер тек ви винелла?

Сагьибди т|уьнар гуз харуз хуьзва вун,
Чан алай нини хьиз хамуз хуьзва вун.

Халис уьмуьрдикай авач ваз хабар,-
Парудин а пата ава азабар …

Ви ихтиярдава и гегьенш гъенер…
Пашман я вучиз вун, кузвани къенер?

Вилера авайбур вуч гъамар ятIа ,
Киц|ин бахтаварвал, лагь, кве аватIа…

Беген туш белки ваз къизилдин къефес,
Азадвал авачиз дар яни нефес?

БЕЗ ВОЛИ

Красивая собачка, ты в печали?
Все скорби мира на тебя упали?

Хозяйка о тебе весьма радеет,
Как куклу, наряжает и лелеет.

О вольной жизни сны твои не знают.
Ведь за забором многие страдают,

А у тебя – просторный двор и миска…
Грустишь о далях? Иль о том, что близко?

В твоих глазах – страдания печать…
Но что ж тогда собачьим счастьем звать?

Иль ты без воли незнакомой той
С тоски сдыхаешь в клетке золотой?

© Евгений Чеканов, 2021

РАКЪИН ЦУЬК

На лугьун диде я, хизан гиневай,
Бахтавар ракъин цуьк тик гуьнедавай.
Хуьзва рагъ акъатун экуьнлай вилив,
Салам гуз хъуьрезва заз расу кьилив.

Къерехра – ири тум, юкьва – куьлуьбур,
Ава ч|ехи-гъвеч|и – им к|валин абур!
Ч1угваз вич галайнихъ, къачуз хуш нурар,
Зун хьтин гьейрандаз ийизва кинар…

Нянихъ белки ам ят1а перишан,
Кьуд патахъ килигиз, дарих жез яман…
Саки сагърай лугьуз кьилери элкъвей,
Рагъ рекье тваз ава жигъиррай къекъвей.

…Яраб вуч сир ят|а им т|ебиатдин, –
И акьул, жак|умар квачир «дидедин»?

ПОДСОЛНУХ

Подсолнуха корзинка, мать семьи,
Мне шлет приветы летние свои,
Ждет поутру восхода, как впервой,
Мне улыбаясь рыжей головой.

Снаружи семя крупное сидит,
А в центре – мельче… Мать им говорит,
Что стар и млад должны в согласье жить.
Она ж должна за солнышком следить.

А вечером она всегда грустит,
По сторонам потерянно глядит
И, провожая красную зарю,
Тихонько шепчет ей: «Благодарю…»

Ни мускулов, ни мозга… Как же мать
Смогла понять свой жребий – и принять?

© Евгений Чеканов, 2021

САДЛАГЬАЙ КАМАР

Лилидай эвич|на, ингье, курк|вач| руш,
Къачуз к|уьлуь камар, рик|из гьикьван хуш!
Ухшар я шарагдиз, милиз ванзавай
Мукалай аватна лув гуз к|анзавай.

Хъуьрезва ахъа жез, атир квай цуьквер,
Биц1екдиз макьамриз, къугъвазва нуьк|ер:
– Апрелдин руш я вун, гатфарин лишан,
Вун фейи гьар чка хьурай гуьлуьшан.

Са иер чепелукь элкъезва кьилел,
Саки лугьуз ава ацукьиз гъилел:
– Мубарак, вик1егь руш, садлагьай камар,
Такурай садрани ваз дердер, гъамар!

ПЕРВЫЕ ШАГИ

Девчушка, что похожа на птенца,
Покинув зыбку, радует сердца:
Она сама пытается шагнуть,
Без помощи пуститься в дальний путь.

К малышке милой тянутся цветы,
А дети птиц щебечут с высоты:
– Дитя апреля, весточка весны,
Пусть будут все пути твои ясны!

И бабочка, над девочкой кружась,
Так говорит ей, на руку садясь:
– Шагай по жизни твёрже и смелей!
Да не увидишь ты печальных дней!

© Евгений Чеканов, 2021

ХУЬШРЕКАН БАДЕ

(аялар патал)

Муьжуьд метел ала ц1емуьжуьд хтул,
Кула шутаннава садлагьай штул,
Къулав агатнава хуьшрекан баде,
Храз сун гуьлуьтар – акьванар гъиле.

Тади ква бадедик, алукьнава зул,
Белки мекьизват1а акатна юзун?
Хтулрин гьар садаз кар-кеспи ава,
Илигна баядрал мел кутунава.

Сада эвегъзава рекъинал йисар,
Муькуьда чхрадал ийизва гъалар.
Килиг гьик1 к1убан я штулдин кефер,
Фит1иниз бадедин шуткьудин п1ип1ер.

Ч|ехи – гвеч|и ава бадедин к|вале,-
Буба ацукьнава столдин кьиле:
Низ авач гуьлуьтар – вири агата,
Чешнедин хизандиз мугьман акъата!

ПАУЧИХА-БАДЕ

Стих для детей

На восемь колен – восемнадцать внучат,
А правнук привязан к спине – маловат.
Сидит паучиха-баде на скамье
И спицами вяжет носочки семье.

Торопится бабушка – осень грядет.
А может, уже и озноб ее бьет?
Но вскоре внучата из разных щелей
Пришли – и устроили помочи ей.

Один сел на гребень, чтоб вычесать шерсть,
Другой крутит нитки… Тут всем дело есть!
А правнук смеется – охота ему
На старом шутку пососать бахрому.

И стар тут, и млад. Полон бабушкин дом,
И старый буба во главе за столом.
Коль ты без носков – приходи поскорей
И душу в достойной семье отогрей!

* Баде – бабушка
* Шуткьٰу – лезгинский национальный головной убор для женщин.
* Буба – отец (здесь: глава семейства)

© Евгений Чеканов, 2021

УХШАР Я ДИДЕЙРИЗ

Фикирдик акатна зун къе паркуна,
Пешер авахьзавай тарар акуна.
Жуьреба фикирар рик1е гьатзава-
Дидейрин веледар гьиниз катзава?
Гьарайиз к1анзава чара ат1ай хьиз:
Чк|умир кьуд патахъ, чун тамир текдиз,
Агата дувулрик, куьн яргъаз фимир,
Кумач чахъ такьатар, азабар гумир.
Амма яру, хъипи, туракь наварин,
Пешер къугъваз ава гине цаварин.
Ухшар я жегьилриз вил алаз авай,
Аслу тушиз фидай уьмуьр к|анзавай.
Садбур- аялар хьиз кич|ез агатиз,
Муькуьбур къалдава яргъал къакъатиз.
Сад лув гуз элкъвезва хилерал алк|из,
Саки са вахчагдин ценцикай галк|из.
…Фикирдик акатна зун къе паркуна,
Пешер авахьзавай тарар акуна.
Зун ама килигиз, накъвар хъуьткьуьниз,-
Рик1ивай, ухшар я тарар дидейриз…

ПОХОЖИЕ НА МАТЕРЕЙ

Задумалась я в парке, наблюдая,
Как опадает осень золотая,
И сердце унеслось в раздумий сети:
Куда от матерей сбегают дети?
Порою крикнуть хочется навзрыд:
– Куда вы мчитесь? Что вас тяготит?
Не улетайте от корней своих,
Не мучьте, оставляя нас одних!
Но красные и желтые листочки,
Беспечно мчась, как дочки и сыночки,
Танцуют в небе танец золотой,
Подхваченные верой и мечтой.
Одни у самых ног кружатся нежно,
Другие отдаляются мятежно.
Один летит – и к веткам прилипает,
Как будто маму за подол хватает.
…Задумалась я в парке, наблюдая,
Как опадает осень золотая.
Я думала, слезу уняв едва:
На матерей похожи дерева…

© Евгений Чеканов, 2021

НИСИНЛАЙ АКЪАТАЙ РАГЪ

Гатфарин шагьварар, аруш жез вичел,
Нуьк|ер ацукьзава перемдин ценел.
Эцигна шуьк1уь гъил лацу тир пелел,
Са руш акъвазнава суварин синел.

Хиялар яргъариз тухуз ава гар,
Къакъатиз лепе хьиз къугъвазва ч|арар.
Рик|ел хквез ава Пакудин бульвар,
А садлагьай гуьруьш, алатай ч|авар.

Къастар я Айнадин, цавар хьиз михьи,
Кьинерал к|еви я, дагълар кьван рехи.
Яшар т|имил ят|ан, гиссер я ч|ехи,
Жедани адавай чаравал эхиз?!

Амма яр хиялра, веревирдериз
Алама… суалар гъизва рик1ериз.
Кич|езва кьисметди мадни алцуриз,
Нисинин ракъини кана-алугиз.

Кьат1узва дидеди, амма… алугдач,
И руша хажалат хцив агуддач!

ПОСЛЕПОЛУДЕННОЕ СОЛНЦЕ

К подолу платья птицы льнут в селе
И легкий ветер ластится в тепле.
Стоит девчушка на крутой скале:
Рука на лбу – а взор в туманной мгле.

Порыв весенний пряди шевелит.
В счастливый сон душа ее летит.
Бакинского бульвара светлый вид
Про первое свиданье говорит.

Чисты, как небо, помыслы Айны
И давней клятве, как скала, верны.
Бездонны чувства будущей жены.
Но стерпят ли разлуку ее сны?

Жених задумчив, думая о ней.
Он опален огнем чужих очей.
Вдруг свет послеполуденных лучей
Сожжет его дотла на склоне дней?

Но видит мать: такая не сожжет,
Печаль в его судьбу не принесет!

© Евгений Чеканов, 2021

АЛАКЬДАТ1А?

Сада заз лагьанай: амач ваз пара,
Ик1 дили жеда вун- жагъидач чара.
Ви рик1ин къенерай патар акъатда,
Къе-пака ви эхир мукьвал агатда…

Белки мазан жедай зун а йикъалай,
Теснифиз макьамар экуьн кьилелай?
Амма чуьнгуьр кьадай мажал заз хьанач,
Я зулу вичикай са хабар ганач…

Ч|угвамир заз акси вуна азият,
Мурадриз, къастариз ава авсият.
Дидеди фаданлай гамар ат1анва,
Зи рик1из са маса гьава атанва…

Уьмуьрна, садрани гьарам к1ан хьанач ,
Чарадаз лук1 хьана за ядни хъванач.
Я эхир атуни заз кичIер гъидач-,
Инсан хьиз атайди масак|а фидач!

Амай парар ялиз гуж агакьдат|а,
К1анда ик1 давамиз, бес алакьдатIа?

СПРАВЛЮСЬ ЛИ?

Некто мне сказал: не жди спасения,
Ты безумна, в этом нет сомнения.
Помогу тебе я, поусердствую,
Вытащу куски тебе из сердца я!

Если б тогда песни сочиняла я,
Стала бы ашугом. Но, усталая,
Не взяла чунгур и не запела я…
Где-то шлялась осень моя зрелая.

Отвечаю ныне: ты не мучайся,
У твоих желаний всё получится.
Маме моей ткать ковры не хочется,
Нить ее страданий мною кончится.

Ни куска не знала дармового я,
Ни глотка… И дни мои суровые
Кончатся без плача в платье родины.
По-людски приходим и уходим мы.

Только вот дойду ли, запыхавшись, я?
Хватит ли мне сил на путь оставшийся?

© Евгений Чеканов, 2021

ЭГЬЕЙ!

(Дяведикай фикирдайла)

Эгьей, зул, залан зул, инсаф квачир зул,
Лагь ни дегишнат1а а ви иер т1ул?
Кьуд пад ялаврава, акъатзава гум,
И ц|ай мус туьхуьда, лагь кван, я залум!

Эгьей, кьежей накьвар, нефс алай накьвар,
Им вуч къанихвал я, бес тушни накъвар?!
Алуда кьилеллай къада-балаяр,
Минет хьуй, агатмир къахчуз балаяр…

Эгьей, дяве к1ани, женгер к1анибур,
Рекьимир инсанвал, гадармир абур!
Къвезвач жал яраб квез руфунал залан,
Хендеда амукьай сусарин аман?!

Эгьей, ялтахвилел кьилер хуьзвайбур,
Масадаз вач лугьуз эвер гузвайбур,
Гьина чуьнуьх хьанва, лагь, куь гадаяр,
Кесибар паталди яни дявеяр?!

ЭЙ!

Когда думаю о войне

Эй, дрянная осень, осень наших бед,
Кто окрасил жутью твой красивый цвет?
Всё в огне кромешном с четырех сторон…
Ты ответь нам, осень: скоро ль стихнет он?

Эй, земля-обжора, влажная земля,
Ты когда наешься, алчность утоля?
Хватит бед нам новых, хватит нам смертей,
Не пугай нас больше, не хватай детей…

Эй, вояки-злыдни, асы битв земных,
Не теряйте снова черт своих людских!
Неужель не жаль вам овдовевших жен,
Неужель не слышен их тоскливый стон?

Эй, льстецы!.. Вы снова, как сто лет назад,
Стали звать в окопы всех чужих ребят?
Где сыночки ваши прячутся сейчас?
Бедняки кричат вам: войны – не для нас!

© Евгений Чеканов, 2021

КЬУНВА ХАЖАЛАТДИ

Гьатнава ч|улавда зи хайи Пирар,-
Бубайри рухвайриз эгъвезва сурар.

Дак|уна юзазва чилерни цавар,
Алемдиз чк|ана дидейрин ц|агъвар.

Гъам галаз аквазва къе хайи дагълар,
Кьунва хажалатди кук|ушар, рагар…

Лекьрез жагъаначни ажал ви синел,
К|анидан гъилерал-бахтавар ценел?

Гьикьван ик1 авахьда са халкьдин накъвар,
Мус регьят жедат1а нефс алай накьвар?

В СКОРБИ

В черном одеяньи мой Пирал родной,
Роет батька сыну яму в мир иной.

Подступает к сердцу дрожь со всех сторон,
Западает в душу материнский стон.

Небеса нависли, как немой укор,
И скорбят вершины вечных наших гор.

По какой причине смерть свою нашел
Не на гребне милом молодой орел?

Долго ль кровь народа будет пить земля,
Скоро ль станет сытой, алчность утоля?

© Евгений Чеканов, 2021

ША СА КЪАРАРДИЗ!

Лацу ипекдин шал гъулгъуладава,
Стхайрин арада, к|вачерик галаз.
Нехишар чир жезмач, какахьна навар,
Душманар хьанватIа чакай вучиз чаз?

Сачахар симер хьиз гьахьзава рик|е,
Хцинни бубадин гуьжетар акваз.
Канва ам гьакIани азабдин рекье,
Т|век-т|век я часпаррин цацари чухваз.

Хъел галаз гагь ргаз, гагь алахьзава,-
Кьулан вац| ксузмач азият ч|угваз.
Адан ван япара саки гьахьзава,
Гьарайиз-эвериз лугьузва: акъваз!

Лацу шал акайин за куь арадиз,
Секин хьухь, эхир ша, куьн са къарардиз!

РЕШИТЕ ЧТО-НИБУДЬ!

Меж братьев лёжа, белый плат трепещет.
Полны тревогой нити бахромы,
Узоры меркнут в горечи зловещей…
Ужель теперь врагами станем мы?

Смотря на спор между отцом и сыном,
Как струны, режет сердце бахрома.
Она давно спеклась в огне кручинном
В шипы кордонов, где таится тьма.

Шумит Самур. Ему опять не спится,
Таких обид ему не позабыть.
Я знаю: он рыдает и ярится
И требует всё это прекратить.

Бросаю белый плат под гром сердец:
Хоть что-нибудь решите наконец!

© Евгений Чеканов, 2021

МАРВАРДИН ТIАЛ

Марвар кIурукIдамаз, зи багъдин юкьвал,
Зурзаз амукьнава тепедин к|ук|вал.
Нагагь ахъа хьана, ам зулун цик1из,
Алемдиз перишан ама килигиз.

Саврухри юзуриз, харари гатаз,
Женгера гьатнава азабрихъ галаз.
Йифиз рикIяй дердер сел хьиз авахьиз,
Тандилай экуьнехъ накъвар алахьиз…

Я гату-гатфари заз чимер гъанач,
Заз садра билбилди мани лагьанач,
ЧIидгъейри гузвай тIал, сада кьатIанач,
Вахтар це заз тIимил, бахтар захъ хьанач.

ГьикI зун геж хьанатIа, геж хьухь куьн, къаяр,
Квехъ тади акатмир, аяз гвай йикъар,
Зи чанда къекъвезва са марвардин тIал –
Чаз гьикьван ама хьи, мукьвал я ажал…

БОЛЬ РОЗЫ

Дрожит полураскрывшийся бутон
Прелестной розы… С грустью смотрит он
На мир осенний. Чудо красоты,
Уж больно поздно распустилось ты!

Знобят метели, град жестокий бьет,
Мучений тьма очнуться не дает,
Всю ночь по сердцу боль тоски течет,
В слезах застывших утро застает.

Весна и лето обошли меня,
Мне юный соловей не пел ни дня,
Помилуй, мир, на миг повременя,
Коль счастья нет, хоть старость отгоня.

О, задержитесь, вихри декабрей!
Не торопитесь, иглы мерзлых дней!
Боль розы сократит мои года
И скоро с ней уйдем мы навсегда…

© Евгений Чеканов, 2021

Ч1УГВАЗ АЗАБАР

Фагьумда за фад-фад, яраб вуж я зун,
Вуч мана ят1а им – чилел уьмуьрун?

Белки зун мазан я, маниярзавай,
Рик|ин т|ал, накъварив ц|арара твазвай?

Къвекъвезвай циф ят|а, дак|уна цава,
Арада авахьиз, секин жез авай?

Белки накъвар ят1а, куз-куз вилелай,
Зи канвай дидедин метел аватай?

Ч1улав накьвадикай живери къанвай,
Сефил гъвергъер ят|а, геж хкаж хьанвай?

Белки я мулдин цуьк, кьил хурал алай,
Къалгъанрин арада, сузаярзавай?

Я ц|велин тар ят|а, йиф – югъ шехьзавай,
Т|алрикай вац| хьана, алахьиз физвай?

Белкияр пара я, авач жавабар,
Физва зун виликди, ч1угваз азабар…

СТРАДАЯ

Думаю я часто: кто я на земле?
Что я значу в мире, тонущем во зле?

Может быть, ашуг я – песнопевец тот,
Кто печали сердца строчкам отдает?

Или туча в небе, что идет горой,
Изливая гнев свой на землю порой?

Или я – те слезы, что на склоне дней
Пали на колени матери моей?

Или тот подснежник, что поднялся вдруг
Из земли холодной – и глядит вокруг?

Или та фиалка, что во тьме ночей
Стонет средь колючек о судьбе своей?

Или просто ива – та, что испокон
Плачет днем и ночью над рекой времён?

Нет ответа… В мире, тонущем во зле,
Я иду, страдая, по родной земле.

© Евгений Чеканов, 2021

ИМ ЧИ ПИРАЛ Я

Са пата вац| ава секин авахьиз…
Шимера, къумара гевгьер хьиз квахьиз,
«Пичхалин» пак ята́р физва алахьиз,
Им хайи ватан я, им чи Пирал я!

Са падни тик гуьне, ахъайна цуьквер,
Манийрив муг храз, валара нуьк|ер.
Пелелай аквазва чи хаму ник|ер,-
Им хайи ватан я, им чи Пирал я!

Ингье, къацу дере, уьруьшра к|елер,
Таниш тир жигъирар, бубайрин гелер,
Чун аял ч|авара ац1укьай къванер,-
Им хайи ватан я, им чи Пирал я!

Далуда чаз к1ани такабур дагълар,
К|анера чи элдин авадан багълар.
Хуш я чаз лекьери мугнавай рагар,-
Им хайи ватан я, им чи Пирал я!

Жуванбур, багърияр, дустар, азизбур,
Кьисметди яргъариз акъуднавайбур,
Хуьн чна дидед ч|ал, чи хуьр, чи абур,-
Им хайи ватан я, им чи Пирал я!

ЭТО НАШ ПИРАЛ

Взгляни сюда: здесь тихая река
Несет нам жемчуг струй издалека.
Чиста вода Пичхала и легка…
Всё это – наш Пирал, моя отчизна!

А там – крутой подъем. Он весь в цветах.
Там нежность лепестков и песни птах.
Взойди на холм, взгляни на ширь в полях:
Всё это – наш Пирал, моя отчизна!

Просторы пастбищ, блеянье ягнят
И зелень троп, где камни детства спят,
Отцов и матерей незримый взгляд…
Всё это – наш Пирал, моя отчизна!

Поодаль – горы, что душе милы,
Садов роскошных кроны и стволы,
И скалы те, где селятся орлы, –
Всё это наш Пирал, моя отчизна!

О, земляки!.. И все кто ни на есть!
Да сохраним всё то, что нам не счесть:
Язык родной, и дом родной, и честь –
Всё это наш Пирал, моя отчизна!

© Евгений Чеканов, 2021